巨鯨與你談心水股
好唔好玩先？
幫手ＳＨＡＲＥ 得唔得先？
按個制幫手打打氣
65 弘海高新資源
巿值約5億，屬於殼類，睇番圖表都幾得人驚架。
1979 天寶集團
年年賺錢，PE8倍，正在向下插，應該進入派貨期，暫時唔得住。
877 昂納科技集團
現價約4.5，處於上升軌中，跌穿支持位要考慮要走。
1297 中國擎天軟件
基本面不錯，經營利潤率約42%，都企得幾穩，估值方面都幾可口既。
1638 佳兆業集團
處於下降軌，唔好講買貨，溝貨更加唔得。
263 高富集團控股
不停跌，久唔久都供下股，仲慘過養個仔，命都比埋佢。
218 申萬宏源
暫時睇唔到咩賣點。
1478 丘鈦科技
巿盈率好貴，同埋已經炒完。
5 匯豐控股
現價77蚊，銀行不停咁裁員已經大家都知道既事實，前景好唔好，問下朋友仔同學仔就會知架。
如果想了解更多關於自動程式交易歡迎按此連結:
2183 三盛控股
升到砰砰聲，不過業績冇乜驚喜。我估個價唔會頂得好耐。
2380 中國電力
賺少左，股價亦跌左好多，巿盈率6 倍，派息都唔錯，最近更做了3供1，收埋收埋既都唔夠今次俾番出去。人地話覆水難收，其實呢個又唔係定律黎既，係金融巿場。
1469 結好金融
近半年升左三倍，唔好要我答呢隻啦。
700 騰訊控股
呢隻野升左幾廿年咯，我估佢跌，你最多話我夠吉士架啫，其實你都係想入貨，要我俾少少信心你架啫，咁啦。搵牛證啦，跌穿左某些位佢會幫你狠心斬。唔好話我毒，睇下巿盈率，呢D位唔斬唔得架啦。
8129 雲信投資控股
股權好散，再加埋蝕錢，打佢屁股。
175 吉利汽車
好老實講，望派息就無架啦，純炒股價架啫，剛剛跌番落去支持位，都有得炒下既。
710 京東方精電
睇現金流量表可以見到，條數越黎越曳，而且炒完啦啵。
8373 靛藍星
等佢行多陣先有得推論。
6068 睿見教育
炒左一倍，高風險左少少。
如果想了解更多關於自動程式交易歡迎按此連結:
鄭希鈉 (筆名:巨鯨) : 獨立股評人，「求知投資」教學網站創辦人，打正旗號打大鱷第一大幫派。
以上資訊純粹分享及個人見解，不構成任何投資意見。
| 風險披露聲明、免責聲明及重要事項
本文章中包含的任何內容，不得視為就個別證券或期貨合約或期權或衍生工具或其他投資對任何投資者構成任何推薦、要約、招攬、意見或建議。在沒有求知投資有限公司事先明文書面的同意下，本文章（全文或部分）不可於香港或任何其他地方複製、分發、發佈或以其他方式提供。 投資涉及風險。作出任何決定之前，我們強烈建議閣下考慮自己的財務資源和情況，以及承擔虧損的能力，並且諮詢閣下的獨立理財顧問。如閣下有任何疑問，閣下應尋求獨立專業意見。 求知投資有限公司及其等各自的董事、高級職員、僱員及代表均不會就關於任何非其等可控制的事情及／或本文章所載的資料及／或任何依據該資料及／或據之行動及／或任何第三方的任何行動、不行動、遺漏或決定而承擔任何責任。 |
[免費]投資講座
